ഡീപ് സീക് ഗൾഫിലും തരംഗം
ദുബൈ |ചാറ്റ് ജി പി ടിക്ക് ചൈനീസ് ബദലായ ഡീപ് സീക് ( DeepSeek) ഗൾഫ് രാജ്യങ്ങളിലും തരംഗമായി . ചാറ്റ് ജി പി ടിയിൽ നിന്ന് വ്യത്യസ്തമായി “കൂടുതൽ സ്വാഭാവികമായി തോന്നുന്നതും” ആവർത്തന വിരസത കുറഞ്ഞതുമായ പ്രതികരണങ്ങൾ നൽകുന്നുവെന്നു ഉപയോക്താക്കൾ ചൂണ്ടിക്കാട്ടി . എന്നിരുന്നാലും, വലിയ തോതിലുള്ള സൈബർ ആക്രമണത്തിന് ശേഷം തിങ്കളാഴ്ച ചില താമസക്കാർക്ക് ഇത് ഡൗൺലോഡ് ചെയ്യാൻ കഴിഞ്ഞില്ല.തങ്ങളുടെ മോഡലുകൾ കുറച്ച് ഡാറ്റ മാത്രമേ ഉപയോഗിക്കുന്നുള്ളൂവെന്നും അമേരിക്കൻ ആർട്ടിഫിഷ്യൽ ഇന്റലിജൻസ് കമ്പനിയെ വെല്ലുവിളിക്കാനും മത്സരിക്കാനും കഴിവുണ്ടെന്നും ഡീപ് സീക് അവകാശപ്പെടുന്നു .
ആപ്പിളിന്റെ യു എസ് ആപ്പ് സ്റ്റോറിൽ ഏറ്റവും ഉയർന്ന റേറ്റിംഗുള്ള ആപ്പായി ഇത് മാറി. ചാറ്റ്ബോട്ട് നിർമ്മിക്കാൻ 56 ലക്ഷം ഡോളർ മാത്രമാണ് ചെലവഴിച്ചതെന്ന് അധികൃതർ പറഞ്ഞു, ഇത് വിപണിയെ ഇളക്കിമറിച്ചു . മൈക്രോസോഫ്റ്റ്t , മെറ്റാ തുടങ്ങിയ ഭീമന്മാരെ പിന്തള്ളി . ഓപ്പൺ എ ഐ യുടെ സി ഇ ഒ സാം ആൾട്ട്മാൻ ഇതിനെ “ശ്രദ്ധേയമായ മോഡൽ” എന്ന് വിശേഷിപ്പിച്ചു .യുഎസ് പ്രസിഡന്റ് ഡൊണാൾഡ് ട്രംപ് ഇത് “നമ്മുടെ വ്യവസായങ്ങൾക്കുള്ള ഒരു ഉണർവ് കോൾ” ആണെന്ന് പറഞ്ഞു.
“ഞാൻ മാസങ്ങളായി ചാറ്റ് ജി പി ടി ഉപയോഗിക്കുന്നു. ദൈനംദിന ജോലികൾക്ക് ഇത് വിശ്വസനീയമാണ്. എന്നാൽ ഡീപ് സീക് പരീക്ഷിച്ചതിന് ശേഷം, ചില രസകരമായ വ്യത്യാസങ്ങൾ ഞാൻ ശ്രദ്ധിച്ചു. തുടക്കക്കാർക്ക്, ഡീപ് സീക്കിന്റെ പ്രതികരണങ്ങൾ കൂടുതൽ സ്വാഭാവികമായി തോന്നുന്നു”ഉപയോക്താക്കൾ ചൂണ്ടിക്കാട്ടി
