പുസ്തക

ഷാർജ രാജ്യാന്തര പുസ്തകമേള പുരസ്കാരങ്ങൾക്കു നാമനിർദേശം ആരംഭിച്ചു
ഷാർജIഷാർജ ഇന്റർനാഷണൽ ബുക്ക് ഫെയർ അവാർഡുകൾക്കു നാമനിർദേശം ആരംഭിച്ചു. മൊത്തം 625,000 ദിർഹമാണ് സമ്മാനങ്ങൾ.ആഗസ്റ്റ് 31 വരെ നാമനിർദ്ദേശങ്ങൾ സമർപ്പിക്കാം.എഴുത്തിലും പ്രസിദ്ധീകരണത്തിലും മികച്ച നേട്ടങ്ങൾ അംഗീകരിക്കുകയാണ് ചെയ്യുന്നത്. പ്രാദേശികമായും അന്തർദേശീയമായും വിശിഷ്ട പുസ്തകങ്ങൾ സ്വീകരിക്കും.നോവലുകൾ, പഠനങ്ങൾ, കവിതകൾ, വിദേശ പുസ്തകങ്ങൾ എന്നിവ അവാർഡുകളിൽ ഉൾപ്പെടുന്നു.കൂടാതെ പ്രാദേശിക, അറബ്, അന്താരാഷ്ട്ര പ്രസാധക സ്ഥാപനങ്ങളെയും ആദരിക്കുന്നു.എൻട്രി ഫോമുകളും യോഗ്യതാ മാനദണ്ഡങ്ങളും https://sibf.com/ar/awards-ൽ ലഭ്യമാണ്. ഷാർജ ഇന്റർനാഷണൽ ബുക്ക് ഫെയറിന്റെ 45-ാമത് പതിപ്പിന്റെ ഉദ്ഘാടന ചടങ്ങിൽ വിജയികളെ പ്രഖ്യാപിക്കും.സുപ്രീം കൗൺസിൽ അംഗവും ഷാർജ ഭരണാധികാരിയുമായ ശൈഖ് ഡോ. സുൽത്താൻ ബിൻ മുഹമ്മദ് അൽ ഖാസിമി സമ്മാനങ്ങൾ വിതരണം ചെയ്യും. ഈ അവാർഡുകൾ, സാഹിത്യപരവും ബൗദ്ധികവുമായ നേട്ടങ്ങളെ ആഘോഷിക്കുന്നതിനൊപ്പം പുതിയ തലമുറയിലെ എഴുത്തുകാർ, പ്രസാധകർ, ഗവേഷകർ എന്നിവരെ പ്രോത്സാഹിപ്പിക്കുന്നു.വാർഷിക അവാർഡുകളിൽ നാല് പ്രധാന വിഭാഗങ്ങൾ ഉൾപ്പെടുന്നു. ഇമറാത്തി പുസ്തകങ്ങൾക്കുള്ള ഷാർജ അവാർഡ്, മികച്ച അറബി നോവലിനുള്ള ഷാർജ അവാർഡ്, മികച്ച അന്താരാഷ്ട്ര പുസ്തകത്തിനുള്ള ഷാർജ അവാർഡ്, ഷാർജ പ്രസാധക അംഗീകാര അവാർഡ് എന്നിവയാണവ .2024 നും 2026 നും ഇടയിൽ പ്രസിദ്ധീകരിച്ച കൃതികൾക്ക് ഇത് തുറന്നിരിക്കുന്നു.
മികച്ച ഇമറാത്തി നോവലിനും മികച്ച ഇമറാത്തി അക്കാദമിക് പുസ്തകത്തിനും 100,000 ദിർഹം വീതം സമ്മാനങ്ങൾ നൽകും.മികച്ച ഇമറാത്തി ക്രിയേറ്റീവ് സാഹിത്യ പുസ്തകത്തിനും (കവിത) മികച്ച ഇമറാത്തി ആദ്യ നോവലിനും ഓരോന്നിനും 50,000 ദിർഹം വീതം ലഭിക്കും അറബി നോവലിനുള്ള ഷാർജ അവാർഡിന് 150,000 ദിർഹം സമ്മാനമുണ്ട്. ഇത് രചയിതാവും പ്രസാധകനും തുല്യമായി പങ്കിടുന്നു.
മികച്ച അന്താരാഷ്ട്ര പുസ്തകത്തിനുള്ളത് ഇംഗ്ലീഷിൽ പ്രസിദ്ധീകരിച്ച പുസ്തകങ്ങൾക്കാണ് . ആകെ 100,000 ദിർഹം സമ്മാനം നൽകുന്നു, മികച്ച അന്താരാഷ്ട്ര ഫിക്ഷൻ പുസ്തകം, മികച്ച അന്താരാഷ്ട്ര നോൺ-ഫിക്ഷൻ പുസ്തക വിഭാഗങ്ങൾക്കിടയിൽ തുല്യമായി വിഭജിക്കുന്നു.
ഷാർജ പ്രസാധക അംഗീകാര അവാർഡിന് ആകെ 75,000 ദിർഹം സമ്മാനം നൽകുന്നു, മികച്ച പ്രാദേശിക പബ്ലിഷിംഗ് ഹൗസ്, മികച്ച അറബിക് പബ്ലിഷിംഗ് ഹൗസ്, മികച്ച അന്താരാഷ്ട്ര പബ്ലിഷിംഗ് ഹൗസ് എന്നീ വിഭാഗങ്ങൾക്ക് ഓരോന്നിനും 25,000 ദിർഹം വീതം നൽകുന്നു.

നോമിനേഷൻ മാർഗ്ഗനിർദ്ദേശങ്ങൾ

അപേക്ഷകർക്ക് അവാർഡുകളുടെ ഓൺലൈൻ പ്ലാറ്റ്‌ഫോമിൽ നോമിനേഷൻ ഫോം പൂരിപ്പിക്കണം. അത് പ്രിന്റ് ചെയ്തു, നാമനിർദ്ദേശം ചെയ്യപ്പെട്ട പുസ്തകത്തിന്റെ മൂന്ന് പകർപ്പുകൾ വീതം ഷാർജ ബുക്ക് അതോറിറ്റിക്ക് അയയ്ക്കണം. പകർപ്പുകൾ ആഗസ്റ്റ് 31 ന് മുമ്പായി എത്തിച്ചേരുമെന്ന് ഉറപ്പാക്കാം.