ബസ്,ടാക്സി സമർപിത പാത പദ്ധതി 30%പൂർത്തിയായി
ദുബൈlബസ്,ടാക്സി എന്നിവയ്ക്കു സമർപിച്ച 14.5 കിലോമീറ്റർ ദൈർഘ്യമുള്ള പാത പദ്ധതിയുടെ 30% പൂർത്തീകരിച്ചതായി ആർടിഎ ചെയർമാൻ മതർ അൽ തായർ അറിയിച്ചു.താമസക്കാരെയും സന്ദർശകരെയും പൊതുഗതാഗതം ഉപയോഗിക്കാൻ പ്രോത്സാഹിപ്പിക്കുന്നതിനുള്ള ലോകത്തിലെ മുൻനിര രീതികളിൽ ഒന്നാണ് സമർപ്പിത ബസ്,ടാക്സി പാതകൾ.പൂർത്തിയാകുമ്പോൾ ആകെ സമർപിത പാത 20.6 കിലോമീറ്ററാകും.തിരഞ്ഞെടുത്ത റൂട്ടുകളിൽ ബസ് യാത്രാ സമയം 59% വരെ കുറയ്ക്കും.എത്തിച്ചേരൽ സമയനിഷ്ഠ 56% വരെ മെച്ചപ്പെടും.ഇത് 6 പ്രധാന തെരുവുകളിലായി നടപ്പിലാക്കുന്നു.ശൈഖ് സബാഹ് അൽ അഹമ്മദ് അൽ ജാബർ അൽ സബാഹ് സ്ട്രീറ്റ്, 2 ഡിസംബർ സ്ട്രീറ്റ്, അൽ സത്വ സ്ട്രീറ്റ്, അൽ നഹ്ദ സ്ട്രീറ്റ്,ഉമർ ബിൻ അൽ ഖത്താബ് സ്ട്രീറ്റ്, നായിഫ് സ്ട്രീറ്റ് എന്നിവടങ്ങളിലാണവ.വേഗതയേറിയതും വിശ്വസനീയവുമായ സേവനങ്ങൾ നൽകിക്കൊണ്ട് പൊതുഗതാഗതത്തെ ദൈനംദിന സഞ്ചാരത്തിന് ഏറ്റവും ഇഷ്ടപ്പെട്ടതും ആകർഷകവുമായ തിരഞ്ഞെടുപ്പാക്കി മാറ്റാനുള്ള ശ്രമമാണ് നടത്തുന്നത്. ലോകത്തിലെ മുൻനിര രീതികളിലും വിജയകരമായ ഗതാഗത നയങ്ങളിലും ഈ പദ്ധതി ഇടം നേടിയിട്ടുണ്ട്. കുറഞ്ഞ യാത്രാ സമയം, ബസ് ഷെഡ്യൂളുകളോടുള്ള മെച്ചപ്പെട്ട അനുസരണം, മികച്ച ടാക്സി വരവ് എന്നിവ ഇത് ലക്ഷ്യമിടുന്നു.
