ദുബൈയിൽ വൻ റോഡ് വികസനത്തിന് കരാറായി
ദുബൈl ഉമ്മു സുഖീം, അൽ വാസൽ, അൽ സഫ പ്രദേശങ്ങൾ ഉൾപ്പെടുന്ന സ്ട്രീറ്റ് വികസന പദ്ധതിക്ക് ആർടിഎ കരാർ നൽകി. 11,000 മീറ്റർ നീളത്തിൽ പാലങ്ങളുടെയും തുരങ്കങ്ങളുടെയും നിർമ്മാണമുണ്ടാകും. കാൽനട നടപ്പാതകൾ, സൈക്ലിംഗ് ട്രാക്ക്, ബൊളിവാർഡ് പ്ലാസകൾ, നഗര ഇടങ്ങൾ എന്നിവയിലൂടെ സൃഷ്ടിപരവും സൗന്ദര്യാത്മകവുമായ ഘടകങ്ങൾ ഉപയോഗിച്ച് പ്രദേശം മെച്ചപ്പെടുത്തുന്നതിനുള്ള സംയോജിത നഗര പദ്ധതിയാണിതെന്ന് ആർ ടി എ ചെയർമാൻ മതർ അൽ തായർ അറിയിച്ചു . ഉമ്മു സുഖീം സ്ട്രീറ്റ് പദ്ധതിയിൽ 4,100 മീറ്റർ നീളത്തിലാണ് പാലങ്ങളും തുരങ്കങ്ങളും ഉണ്ടാവുക . 6 കവലകളുടെ വികസനം ഉൾപ്പെടുന്നു.അൽ വാസൽ സ്ട്രീറ്റ് പദ്ധതിയിൽ 7 കവലകളുടെ വികസനവും 3,850 മീറ്റർ നീളത്തിൽ തുരങ്കങ്ങളുടെ നിർമ്മാണവും ഉൾപ്പെടുന്നു. അൽ സഫ സ്ട്രീറ്റ് വികസന പദ്ധതിയിൽ 3,120 മീറ്ററിൽ 2 പാലങ്ങളുടെയും 2 തുരങ്കങ്ങളുടെയും നിർമ്മാണം ഉൾപ്പെടുന്നു. ഗതാഗതം മെച്ചപ്പെടുത്തുന്നതിനായി ജുമൈറ സ്ട്രീറ്റിൽ 7 കവലകളുടെ വികസനം വിഭാവനം ചെയ്തിട്ടുണ്ട് . പദ്ധതിയിൽ ഉമ്മു സുഖീം സ്ട്രീറ്റിന്റെ ശേഷി മണിക്കൂറിൽ 16,000 വാഹനങ്ങളായി വർദ്ധിപ്പിക്കുന്നു. അൽ വാസൽ, അൽ സഫ സ്ട്രീറ്റുകൾ ഇരു ദിശകളിലേക്കും മണിക്കൂറിൽ 12,000 വാഹനങ്ങൾ വരെ കടന്നു പോകും . തെരുവിലേക്ക് സർഗ്ഗാത്മകവും സൗന്ദര്യാത്മകവുമായ ഘടകങ്ങൾ ചേർക്കാൻ കാൽനട നടപ്പാതകൾ, സൈക്ലിംഗ് ട്രാക്ക്, അർബൻ പ്ലാസകൾ ഒരുക്കുന്നു.
അറ്റ്-ഗ്രേഡ് റോഡ് വീതി കൂട്ടലും പദ്ധതിയിൽ ഉൾപ്പെടുന്നു. സമഗ്ര നഗര വികസനത്തെ പിന്തുണയ്ക്കുന്നു. നഗര വികാസവും ജനസംഖ്യാ വളർച്ചയും ഉൾക്കൊള്ളുകയും ചെയ്യുന്നു .
ജുമൈറ സ്ട്രീറ്റുമായുള്ള കവലയിൽ നിന്ന് അൽ ഖൈൽ റോഡിലേക്ക് ഉമ്മു സുഖീം സ്ട്രീറ്റ് നവീകരിക്കുന്നത് പദ്ധതിയിൽ ഉൾപ്പെടുന്നു. ഉമ്മു സുഖീം സ്ട്രീറ്റുമായുള്ള കവല മുതൽ ഡിസംബർ 2 വരെയുള്ള കവല വരെ അൽ വാസൽ റോഡ്,ശൈഖ് സായിദ് റോഡുമായുള്ള കവല മുതൽ അൽ വാസൽ റോഡ് വരെയുള്ള അൽ സഫ സ്ട്രീറ്റ്, ജുമൈറ സ്ട്രീറ്റിലൂടെയുള്ള 7 കവലകൾ പദ്ധതിയിലുണ്ട് .
