അൽ ഖുദ്ര റോഡിൽ പാലം തുറന്നു
ദുബൈlഅൽ ഖുദ്ര റോഡ് ഇന്റർസെക്ഷനിൽ അറേബ്യൻ റാഞ്ചസിനെയും ദുബൈ സ്റ്റുഡിയോ സിറ്റിയെയും ബന്ധിപ്പിക്കുന്ന പാലം ഉദ്ഘാടനം ചെയ്തതായി ആർ ടി എ ചെയർമാൻ മതർ അൽ തായർ അറിയിച്ചു.600 മീറ്റർ ഘടനയിൽ ഇരു ദിശകളിലേക്കും നാല് വരി പാതകളുണ്ട്.
അൽ ഖുദ്ര റോഡിന്റെയും ശൈഖ് സായിദ് ബിൻ ഹംദാൻ അൽ നഹ്യാൻ സ്ട്രീറ്റിന്റെയും കവലയിൽ ഫെബ്രുവരി 15 ന് വടക്കൻ പാലം തുറക്കുമെന്നും അറിയിച്ചു.
പുതുതായി പൂർത്തിയാക്കിയ പാലം ഗതാഗത ശേഷി 191% വർദ്ധിപ്പിക്കും. യാത്രാ സമയം 55% കുറയ്ക്കുകയും ചെയ്യുന്നു.അൽ ഖുദ്ര റോഡ് വികസനം യാത്രാ സമയം 9.4 മിനിറ്റിൽ നിന്ന് 2.8 മിനിറ്റായി കുറയ്ക്കുന്നു.ഏകദേശം 400,000 താമസക്കാരെയും സന്ദർശകരെയും ഉൾക്കൊള്ളുന്ന ഇടനാഴി പ്രദേശത്തെ താമസ,വാണിജ്യ കേന്ദ്രങ്ങൾക്കു സേവനം നൽകുന്നു.അൽ ഖുദ്ര റോഡിലെ പ്രധാന ഇന്റർസെക്ഷൻ വികസന പദ്ധതിയുടെ ഭാഗമായാണ് പാലം.ശൈഖ് മുഹമ്മദ് ബിൻ സായിദ് റോഡുമായുള്ള കവലയിൽ നിന്ന് ശൈഖ് സായിദ് ബിൻ ഹംദാൻ അൽ നഹ്യാൻ സ്ട്രീറ്റ്, എമിറേറ്റ്സ് റോഡ് എന്നിവയിലൂടെ കടന്നുപോകുന്ന ഈ ഇടനാഴി അൽ ഖുദ്ര റോഡിൽ അറേബ്യൻ റാഞ്ചസിനും ദുബൈ സ്റ്റുഡിയോ സിറ്റിക്കും ഇടയിലുള്ള കണക്ഷൻ റോഡിലും ഗതാഗതം മെച്ചപ്പെടുത്തുന്നു.ശേഷി 191% വർദ്ധിപ്പിക്കുന്നു.മണിക്കൂറിൽ 6,600 വാഹനങ്ങളിൽ നിന്ന് മണിക്കൂറിൽ 19,200 വാഹനങ്ങളായാണ് വർധന.ജംഗ്ഷനിലെ കാത്തിരിപ്പ് സമയം 55% കുറയ്ക്കുന്നു.കാലതാമസം 113 സെക്കൻഡിൽ നിന്ന് 52 സെക്കൻഡായി കുറയ്ക്കുന്നു.
________________________________
