സിറ്റി വാക്കിൽ പോലീസ് പരേഡ് നടത്തി
ദുബൈ |ദുബൈ പോലീസ് സിറ്റി വാക്കിൽ കാർണിവലിനോടനുബന്ധിച്ചു പരേഡ് നടത്തി . പോലീസ് മ്യൂസിക്കൽ ബാൻഡ്, കെ 9 ഷോ, മൗണ്ടഡ് പോലീസ് ഷോ, ടൂറിസ്റ്റ് സെക്യൂരിറ്റി പട്രോളിംഗ്, ആഡംബര പട്രോളിംഗ്, സൈക്കിളുകൾ, മോട്ടോർ സൈക്കിളുകൾ, ജനറൽ ഡിപ്പാർട്ട്മെന്റ് ഓഫ് പ്രൊട്ടക്റ്റീവ് സെക്യൂരിറ്റി ആൻഡ് എമർജൻസി എന്നിവയിൽ നിന്നുള്ള പ്രത്യേക ടീമുകൾ എന്നിവ പരേഡിൽ പങ്കെടുത്തു.
ദുബൈ പോലീസിലെ ക്രിമിനൽ ഇൻവെസ്റ്റിഗേഷൻ അഫയേഴ്സ് അസിസ്റ്റന്റ് കമാൻഡറായ മേജർ ജനറൽ ഖലീൽ ഇബ്രാഹിം അൽ മൻസൂരി പങ്കെടുത്തു . വലിയ ജനക്കൂട്ടം പരേഡ് കാണാനെത്തി .
ദുബൈ ഇക്കണോമി, ടൂറിസം വകുപ്പ്, റോഡ്സ് ആൻഡ് ട്രാൻസ്പോർട്ട് അതോറിറ്റി (ആർടിഎ), സിറ്റി വാക്ക് എന്നിവയുടെ സഹകരണത്തോടെയാണ് കാർണിവൽ സംഘടിപ്പിച്ചത് . രസകരവും ആകർഷകവുമായ പ്രവർത്തനങ്ങളിലൂടെ സമൂഹത്തിൽ സുരക്ഷാ അവബോധം വളർത്തുക എന്ന ലക്ഷ്യത്തോടെയായിരുന്നു കാർണിവൽ .
ഈ മാസം 29 ന് ദുബൈ പോലീസ് അക്കാദമിയിൽ നടക്കുന്ന ബിരുദദാന ചടങ്ങിനുള്ള ഒരുക്കങ്ങൾക്കൊപ്പമാണ് കാർണിവൽ നടക്കുന്നതെന്ന് കമ്മ്യൂണിറ്റി ഹാപ്പിനസ് ജനറൽ ഡിപ്പാർട്ട്മെന്റ് ഡയറക്ടർ ബ്രിഗേഡിയർ അലി ഖൽഫാൻ അൽ മൻസൂരി പറഞ്ഞു.
