മഴ

ദുബൈ:യു എ ഇയിൽ വെള്ളിയാഴ്ച വരെ മഴ തുടരുമെന്ന് ദേശീയ കാലാവസ്ഥ കേന്ദ്രം അറിയിച്ചു .ഇന്നലെയും മിക്ക എമിറേറ്റുകളിലും മഴ പെയ്തു.പലയിടത്തും റോഡുകൾ വെള്ളത്തിനടിയിലായി . രാജ്യത്തുടനീളം ഇടിമിന്നലും ശക്തമായ കാറ്റും ആയിരുന്നു . ഇന്ന് സ്ഥിതിഗതികൾ ക്രമേണ മെച്ചപ്പെടാൻ സാധ്യതയുണ്ട്. മഴ കുറയും . താമസക്കാർ സുരക്ഷ ഉറപ്പാക്കാൻ ആവർത്തിച്ച് ആവശ്യപ്പെട്ടു.സ്മാർട്ട് പാർക്കിംഗ് യാർഡുകൾ ഒഴികെ ഷാർജയിൽ പൊതു പാർക്കിംഗ് സൗജന്യമായിരുന്നു.കഴിഞ്ഞ ദിവസം പുലർച്ചെ 2.15 ന് ജയ്‌സ് പർവതത്തിൽ താപനില 9.3 ഡിഗ്രി സെൽഷ്യസ് രേഖപ്പെടുത്തി. “മഴയുമായി ബന്ധപ്പെട്ട മേഘങ്ങൾ രൂപപ്പെടാനുള്ള സാധ്യതയുണ്ട് . ചിലപ്പോൾ പൊടിയും മണലും വീശാം . തിരശ്ചീന ദൃശ്യപരത നന്നേ കുറയും . രാവിലെ 6 മുതൽ രാത്രി 11 വരെ ചില പ്രദേശങ്ങളിൽ മണിക്കൂറിൽ 55 കിലോമീറ്റർ വേഗത്തിൽ കാറ്റ് വീശും ” അതോറിറ്റി പറഞ്ഞു.മഴക്കാലത്തിന് മുന്നോടിയായി ദുബൈ പോലീസ് മുന്നറിയിപ്പ് നൽകിയിരുന്നു .”വാഹനമോടിക്കുമ്പോൾ അധിക ജാഗ്രത ആവശ്യമാണ് . “ജാഗ്രത പാലിക്കുക, മറ്റുള്ളവരുടെ തെറ്റുകൾ മുൻകൂട്ടി കാണുക. അപകടങ്ങൾ തടയാൻ സുരക്ഷാ നിർദേശങ്ങൾ പാലിക്കുക,”.വാഹനങ്ങൾ സുരക്ഷിത അകലം പാലിക്കണം .ടയറുകൾ, വിൻഡ്‌ഷീൽഡ് വൈപ്പറുകൾ, വാഹന ലൈറ്റിംഗ് എന്നിവയുടെ സുരക്ഷയും ശരിയായ അവസ്ഥയും ഉറപ്പാക്കണം .വേഗത കുറയ്ക്കുക, നനഞ്ഞ റോഡുകളിൽ ശാന്തമായി വാഹനമോടിക്കുക.പെട്ടെന്നുള്ള ബ്രേക്കിംഗ് ഒഴിവാക്കുക.വളവുകൾ സമീപിക്കുമ്പോൾ കൂടുതൽ ജാഗ്രത പാലിക്കുക.താഴ്‌വരകൾ, വെള്ളപ്പൊക്ക ചാലുകൾ, വെള്ളം കെട്ടിക്കിടക്കുന്ന പ്രദേശങ്ങൾ എന്നിവിടങ്ങളിൽ നിന്ന് മാറിനിൽക്കുക.കടലിലേക്കും ബീച്ചുകളിലേക്കും പോകുന്നത് ഒഴിവാക്കുക”എന്നിങ്ങനെ നിർദേശങ്ങളുണ്ട്