എഐ

ദുബൈ l വിൻ സോൺ ഇൻറർനാഷണൽ, വാഹന മാനേജ്‌മെന്റിൽ ലോകത്തിലെ ആദ്യ സംഭാഷണ എഐ അസിസ്റ്റൻ്റായ ‘വി സോൺ എഐ’ (വി സോൺ എഐ) അവതരിപ്പിച്ചു.
ഈ വ്യവസായത്തിൽ വിപ്ലവകരമായ മാറ്റങ്ങൾ കൊണ്ടുവരാൻ ‘വി സോൺ എഐ’ എന്ന പുതിയ സാങ്കേതികവിദ്യയ്ക്ക് സാധിക്കുമെന്ന് എം ഡി ഡോ.അൻവർ മുഹമ്മദ് പറഞ്ഞു . പ്രത്യേകം തയ്യാറാക്കിയ ലോകത്തിലെ ആദ്യത്തെ സംഭാഷണം എഐ അസിസ്റ്റൻ്റാണിത്. ലളിതമായ ചോദ്യങ്ങൾ ചോദിക്കുന്നതിലൂടെ വാഹനങ്ങളെക്കുറിച്ചുള്ള നിർണ്ണായക വിവരങ്ങൾ തൽക്ഷണം നേടാൻ ഇത് ഓപ്പറേറ്റർമാരെ സഹായിക്കുന്നു.വർഷങ്ങൾ നീണ്ട ഗവേഷണങ്ങളുടെ ഫലമായാണ് ഈ മുന്നേറ്റം സാധ്യമായത്. വിൻ സോൺ ഇൻറർനാഷണൽ ഒരു പ്രത്യേക ലാബ് സ്ഥാപിച്ചിരുന്നു. നിലവിലുള്ള ഫ്ലീറ്റ് മാനേജ്മെൻ്റ് സോഫ്റ്റ്വെയറുകളുടെ സങ്കീർണ്ണതകളും പരിമിതികളും മറികടക്കുക എന്ന ലക്ഷ്യത്തോടെയാണ് വിൻ സോൺ എഐ നിർമ്മിച്ചിരിക്കുന്നത്. ഈ സംവിധാനത്തിലൂടെ കമ്പനി ഉടമകൾ, ഫ്ലീറ്റ് മാനേജർമാർ, ഓപ്പറേഷൻസ് മാനേജർമാർ എന്നിവർക്ക് തങ്ങളുടെ വിരൽത്തുമ്പിൽ ശക്തവും ലളിതവുമായ ഒരു ഡിജിറ്റൽ സഹായിയെ ലഭിക്കും .എപ്പോൾ വേണമെങ്കിലും തൽക്ഷണ മറുപടികൾക്ക് ആപ്പ്സ ദാ സജ്ജമാണ്.
വിവിധ വ്യവസായങ്ങളിലും സർക്കാർ മേഖലകളിലും ഒരുപോലെ ഉപയോഗിക്കാൻ കഴിയുന്ന രീതിയിലാണ് വി സോൺ എഐ സംയോജിപ്പിച്ചിരിക്കുന്നത് .
ഇത് ഫ്ലീറ്റ് മാനേജ്മെൻ്റ് രംഗത്ത് ഇതുവരെ അവതരിപ്പിക്കപ്പെട്ടതിൽ വച്ച് ഏറ്റവും വൈവിധ്യമാർന്ന പ്ലാറ്റ്ഫോമുകളായി മാറുന്നു. സർക്കാർ മേഖല – ഗതാഗത നിയമലംഘനങ്ങൾ നിരീക്ഷിക്കൽ, മോഷണം കണ്ടെത്തൽ, അപകട മുന്നറിയിപ്പുകൾ, നഗരസൂത്രണത്തിനുള്ള വിവരങ്ങൾ എന്നിവ സൗജന്യമായി ആർക്കും ലഭ്യമാണ് .ഡയറക്ടർ ശബീർ അലി,മാനേജർമാരായ ഡോ ഷരീഫ്,ഷിനുലാൽ,റാഫി പള്ളിപ്പുറം പങ്കെടുത്തു