ശൈഖ് ഹംദാൻ

ശൈഖ് ഹംദാന് ലെഫ്.ജനറൽ പദവി
ദുബൈIദുബൈ കിരീടാവകാശിയും യു എ ഇ ഉപപ്രധാനമന്ത്രിയും പ്രതിരോധ മന്ത്രിയുമായ ശൈഖ് ഹംദാൻ ബിൻ മുഹമ്മദ് ബിൻ റാശിദ് അൽ മക്തൂമിന് ലെഫ്റ്റനൻ്റ് ജനറൽ പദവി. യുഎഇ സായുധ സേന മേധാവിയും യു എ ഇ പ്രസിഡൻ്റുമായ ശൈഖ് മുഹമ്മദ് ബിൻ സായിദ് അൽ നഹ്യാനാണ് സ്ഥാനക്കയറ്റം നൽകിയത്. ഫെഡറൽ ഉത്തരവ് പുറപ്പെടുവിച്ചിട്ടുണ്ട്.
2024 ജൂലൈ 14 ന് രാജ്യത്തെ രണ്ട് ഉന്നത കാബിനറ്റ് സ്ഥാനങ്ങളായ പ്രതിരോധ മന്ത്രി, ഉപപ്രധാനമന്ത്രി എന്നിവയിലേക്ക് നിയമിതനായി ഒരു വർഷം പൂർത്തിയാകുമ്പോഴാണ് ശൈഖ് ഹംദാന്റെ സൈനിക സ്ഥാനക്കയറ്റം. 12 മാസത്തിനിടെ, പ്രതിരോധ തന്ത്രങ്ങൾക്ക് വഴികാട്ടുകയും അന്താരാഷ്ട്ര പങ്കാളിത്തങ്ങൾ ശക്തിപ്പെടുത്തുകയും യുഎഇയുടെ ദീർഘകാല സുരക്ഷ, വികസന ലക്ഷ്യങ്ങളെ പിന്തുണയ്ക്കുകയും ചെയ്ത ശൈഖ് ഹംദാൻ ഫെഡറൽ ഗവൺമെന്റിന്റെ ഹൃദയഭാഗത്ത് നിർണായക പങ്ക് വഹിച്ചു.
2008 ഫെബ്രുവരി 1 ന് യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് അൽ മക്തൂമിന്റെ ഉത്തരവ് പ്രകാരം ദുബൈ കിരീടാവകാശിയായി നിയമിതനായതിനുശേഷം നവീകരണം, പ്രതിരോധശേഷി, ദേശീയ അഭിമാനം എന്നിവയിൽ അധിഷ്ഠിതമായ ഒരു ഭാവി കാഴ്ചപ്പാടുള്ള സമീപനം ശൈഖ് ഹംദാൻ സ്ഥിരമായി പ്രകടിപ്പിച്ചു. പ്രശസ്തമായ റോയൽ മിലിട്ടറി അക്കാദമി സാൻഡ്‌ഹേഴ്‌സ്റ്റിൽ നിന്നും ലണ്ടൻ സ്‌കൂൾ ഓഫ് ഇക്കണോമിക്‌സിൽ നിന്നും ബിരുദം നേടിയ ശൈഖ് ഹംദാൻ, എമിറേറ്റിൻ്റെ നേതൃത്വത്തിന് ആഗോള കാഴ്ചപ്പാട് കൊണ്ടുവന്നിട്ടുണ്ട്