ഡാന്യൂബ്

ദുബൈl റിയൽ എസ്റ്റേറ്റ് ഡെവലപ്പർ ഡാന്യൂബ് പ്രോപ്പർട്ടീസ് പുതിയ പദ്ധതി പ്രഖ്യാപിച്ചു.ആഡംബരത്തിലും മൂല്യാധിഷ്ഠിത ജീവിതത്തിലും പുതിയ മാനദണ്ഡങ്ങൾ സ്ഥാപിക്കുമെന്ന് ,ബ്രീസ് ബൈ ഡാന്യൂബ് അവതരണ ചടങ്ങിൽ ചെയർമാൻ റിസ്വാൻ സാജൻ പറഞ്ഞു . ദുബൈ മാരിടൈം സിറ്റിയിൽ ഏറ്റവും ഉയരം കൂടിയ റെസിഡൻഷ്യൽ ടവറായി ഇത് മാറും.ലോകോത്തര രൂപകൽപ്പനയ്ക്ക് അനുസൃതമായി പനോരമിക് കടൽ കാഴ്ചകൾ ഉൾക്കൊള്ളുന്ന പ്രീമിയം വാട്ടർഫ്രണ്ട് പദ്ധതിയാണ് . 1% പ്രതിമാസ പേയ്‌മെന്റ് പ്ലാനിന് കീഴിലാണ് ഈ പദ്ധതി വാഗ്ദാനം ചെയ്യുന്നത്.ഇത് കടൽകരയിൽ ഒരു ആഡംബര വീട് സ്വന്തമാക്കുക എന്ന സ്വപ്നത്തെ സാക്ഷാത്കരിക്കും.ദുബൈ വാട്ടർഫ്രണ്ട് വസതികൾക്ക് ഒരു പുതിയ മാനദണ്ഡം സ്ഥാപിച്ച ഓഷ്യൻസ് ബൈ ഡാന്യൂബിന്റെ ഉജ്ജ്വല വിജയത്തിന് ശേഷം, ഡാന്യൂബിന്റെ രണ്ടാമത്തെ ഐക്കണിക് വികസനവും ദുബൈ മാരിടൈം സിറ്റിയിലെ നാലാമത്തെ ടവറും കൂടിയാണ്.
ഏകദേശം 1.5 ദശലക്ഷം ചതുരശ്ര അടി വിസ്തീർണ്ണമുള്ള 60 നിലകളുള്ള ഒരു ഗോപുരമായി ഉയരത്തിൽ നിൽക്കുന്ന ബ്രീസ് ബൈ ഡാന്യൂബ്, എല്ലാ കോണുകളിൽ നിന്നും ആഡംബരം ഉൾക്കൊള്ളുന്ന ഒരു ലാൻഡ്മാർക്ക് വിലാസമായി രൂപകൽപ്പന ചെയ്‌തിരിക്കുന്നു. 1,000-ത്തിലധികം യൂണിറ്റുകൾ ഈ വികസനത്തിലുണ്ട്. ബ്രീസ് വൈവിധ്യമാർന്ന വസതികൾ വാഗ്ദാനം ചെയ്യുന്നു.