ആറ് കാൽ നട,സൈക്കിൾ യാത്ര പാലങ്ങൾ നിർമിക്കുന്നു
ദുബൈlദുബൈയിൽ പ്രധാന റോഡുകളിൽ ആർടിഎ ആറ് പുതിയ കാൽനട, സൈക്കിൾ യാത്ര പാലങ്ങളുടെ നിർമ്മാണം ആരംഭിച്ചു. ശൈഖ് റാശിദ്, അൽ മിന സ്ട്രീറ്റുകളിൽ രണ്ട് പാലങ്ങൾ തുറന്നു.കാൽനട പാലങ്ങളുടെയും അണ്ടർപാസുകളുടെയും എണ്ണം 2006 ലെ26 ൽ നിന്ന് 2024 ൽ 177 ആയി വർദ്ധിച്ചുവെന്ന് ആർ ടി എ ചെയർമാൻ മതർ അൽ തായർ അറിയിച്ചു.581% വർദ്ധനവാണ് സംഭവിച്ചത്.
2030 ആകുമ്പോഴേക്കും 23 പുതിയ കാൽനട പാലങ്ങൾ നിർമ്മിക്കാൻ പദ്ധതിയിടുന്നു.2007 നും 2024 നും ഇടയിൽ കാൽനടയാത്രക്കാരുടെ മരണനിരക്ക് 97% കുറഞ്ഞു. കാൽനട അടിസ്ഥാന സൗകര്യങ്ങളിലുള്ള താമസക്കാരുടെ സംതൃപ്തി 88% ആയി ഉയർന്നു.2023 ൽ 30.7കോടിയിൽ നിന്ന് 2024 ൽ 32.6 കോടി യാത്രകളായി കാൽനട വർദ്ധിച്ചു.പുതിയ പാലങ്ങളിൽ അഞ്ചെണ്ണം ഈ വർഷം അവസാനത്തോടെ തുറക്കും.ആറാമത്തെ പാലം 2027 ന്റെ ആദ്യ പാദത്തിൽ പൂർത്തിയാകും. 2030 അവസാനത്തോടെ 23 പാലങ്ങൾ കൂടി നിർമ്മിക്കാൻ ആർടിഎ പദ്ധതിയിടുന്നു.
കാൽനടയാത്രക്കാർക്കും സൈക്കിൾ യാത്രക്കാർക്കും അനുയോജ്യമായ നഗരമാക്കി മാറ്റുന്നതിനുമുള്ള നേതൃത്വത്തിന്റെ നിർദ്ദേശങ്ങൾ പ്രതിഫലിപ്പിക്കുന്നു. ഇത് നഗരത്തിന്റെ ജീവിത നിലവാര അജണ്ടയെയും പിന്തുണയ്ക്കുന്നു. നിലവിലുള്ള കാൽനട പാലങ്ങളും, ആസൂത്രണം ചെയ്തവയും ചേർന്ന്, ദുബൈ താമസ കേന്ദ്രങ്ങളെ പ്രധാന ആകർഷണങ്ങളുമായി ബന്ധിപ്പിക്കുന്നു. ആദ്യ, അവസാന മൈൽ യാത്രകൾക്കായി സുസ്ഥിരമായ വ്യക്തിഗത സഞ്ചാര മാർഗങ്ങൾ പ്രോത്സാഹിപ്പിക്കുന്നു. കാൽനട പാലങ്ങളുടെയും അണ്ടർപാസുകളുടെയും എണ്ണം 2006ലെ26 ൽ നിന്ന് 2024 അവസാനത്തോടെ 177 ആയി വളർന്നു. സുരക്ഷ വർദ്ധിപ്പിക്കുന്നതിലും അടിസ്ഥാന സൗകര്യങ്ങൾ സംയോജിപ്പിക്കുന്നതിലും ആർടിഎയുടെ ശ്രമങ്ങൾ വേഗത്തിലായി. കാൽനട മരണങ്ങളിലും അപകടങ്ങളിലും കുറവുണ്ടാക്കി.
