ബസ് സ്റ്റേഷനുകൾ, ഡിപ്പോകൾ നവീകരിച്ചു
110 റൂട്ടുകൾക്കു ഗുണം
ദുബൈ | പൊതുഗതാഗത സേവനങ്ങൾ മെച്ചപ്പെടുത്തുന്നതിനുള്ള പദ്ധതിയുടെ ഭാഗമായി ആർ‌ടി‌എ 22 ബസ് സ്റ്റേഷനുകളുടെയും ഡിപ്പോകളുടെയും നവീകരണം പൂർത്തിയാക്കി.ഇവയിൽ 16 പാസഞ്ചർ സ്റ്റേഷനുകളും 6 ബസ് ഡിപ്പോകളും ഉൾപ്പെടുന്നു. പൊതുഗതാഗത ശൃംഖല വികസിപ്പിക്കുന്നതിനും സേവന നിലവാരം ഉയർത്തുന്നതിനും സുരക്ഷിതവും സംയോജിതവുമായ സഞ്ചാര സേവനങ്ങൾ നൽകുന്നതിനുമുള്ള ആസൂത്രിത പദ്ധതിയുടെ ഭാഗമാണിതെന്നു മതർ അൽ തായർ പറഞ്ഞു.നിലവിൽ ആർ ടി എക്കു 1,387 ബസുകളുണ്ട് .ഇവയുടെ അറ്റകുറ്റപ്പണികൾക്കും ശുചീകരണത്തിനുമുള്ള പ്രധാന കേന്ദ്രങ്ങളായി ബസ് ഡിപ്പോകൾ.ബസ് സ്റ്റേഷനുകളുടെ പങ്ക് കേവലം കാത്തിരിപ്പ് കേന്ദ്രങ്ങൾക്കപ്പുറം, മെച്ചപ്പെട്ട സൗകര്യങ്ങൾ, എല്ലാ വിഭാഗം ഉപയോക്താക്കൾക്കും, പ്രത്യേകിച്ച് നിശ്ചയദാർഢ്യമുള്ളവർക്കും സൈക്ലിസ്റ്റുകൾക്കും സുരക്ഷിതവും കൂടുതൽ സുഖകരവുമായ അന്തരീക്ഷം ഒരുക്കി യാത്രകൾ എളുപ്പവും ആസ്വാദ്യകരവുമാക്കുന്ന സംയോജിത സേവനങ്ങൾ വാഗ്ദാനം ചെയ്യുന്നു. മെട്രോ, ടാക്സി സേവനങ്ങളുമായി തടസ്സമില്ലാത്ത സംയോജനം ലക്ഷ്യമിടുന്നു
.ദേരയിൽ ഒമ്പതും ബർ ദുബൈയിൽ ഏഴും സ്റ്റേഷനുകൾ നവീകരിച്ചു .ഏകദേശം 710 ബസുകൾ ഓടാൻ കഴിയുന്ന 110 ബസ് റൂട്ടുകളിൽ ഈ സ്റ്റേഷനുകൾ സേവനം നൽകുന്നു.”
“കൂടാതെ, അൽ ഖവാനീജ്, അൽ ഖുസൈസ്, അൽ റുവായ, അൽ അവീർ, ജബൽ അലി, അൽ ഖൂസ് എന്നിവിടങ്ങളിലെ ആറ് പ്രധാന ബസ് ഡിപ്പോകൾ നവീകരിച്ചു. വർക്ക്ഷോപ്പുകൾ ഡ്രൈവർ താമസ സൗകര്യങ്ങൾ നവീകരിക്കൽ, ലൈറ്റിംഗ്, ഡ്രെയിനേജ് ശൃംഖലകൾ മെച്ചപ്പെടുത്തൽ, സുരക്ഷാ സംവിധാനങ്ങളുടെ അടിസ്ഥാന സൗകര്യങ്ങൾ ശക്തിപ്പെടുത്തൽ എന്നിങ്ങനെ ഡിപ്പോ മെച്ചപ്പെടുത്തി .
അൽ ഗുബൈബ, യൂണിയൻ, അൽ ജാഫിലിയ, ഔദ് മേത്ത, അൽ സത്വ, ഇത്തിസലാത്ത്, അൽ ബരാഹ, ഇന്റർനാഷണൽ സിറ്റി, ദുബൈ ഇന്റർനാഷണൽ എയർപോർട്ട് (ടെർമിനൽ 3) തുടങ്ങിയ പ്രധാന സ്ഥലങ്ങളിൽ ആധുനിക സ്റ്റേഷനുകളുടെ വികസനം ഉൾപ്പെടെയുള്ള മുൻ ആർ‌ടി‌എ പദ്ധതികളെ ഈ നേട്ടം പൂരകമാക്കുന്നു
