പൊതു ഗതാഗതത്തിൽ സ്വയം നിയന്ത്രിത വാഹനങ്ങളുടെ യാത്രകൾ ഈ വർഷം
ദുബൈlദുബൈയിൽ ഓട്ടോണമസ് വാഹനങ്ങളുടെ പ്രവർത്തനങ്ങൾ ആരംഭിക്കുന്നതിന് ആർ‌ടി‌എ ഉബർ ടെക്നോളജീസുമായും വിറൈഡുമായും ധാരണാപത്രം ഒപ്പുവച്ചു.സഞ്ചാരത്തിനും ഡെലിവറിക്കും വേണ്ടിയുള്ള ലോകത്തിലെ മുൻനിര സാങ്കേതിക പ്ലാറ്റ്‌ഫോമാണ് ഉബർ ടെക്നോളജീസ്. സ്വയം നിയന്ത്രിത ഡ്രൈവിംഗ് സാങ്കേതികവിദ്യയിലെ ആഗോള മുൻനിരക്കാരാണ് വീറൈഡ് .ഇവരുമായാണ് റോഡ്സ് ആൻഡ് ട്രാൻസ്പോർട്ട് അതോറിറ്റിയുടെ ധാരണാപത്രം. ഈ വർഷം അവസാനം ദുബൈയിൽ ഉബർ ആപ്പ് വഴി ഓട്ടോണമസ് വാഹനങ്ങളുടെ പ്രവർത്തനങ്ങൾ ആരംഭിക്കും. പ്രാരംഭ ഘട്ടത്തിൽ, വാഹനങ്ങൾ ഒരു സുരക്ഷാ ഡ്രൈവറുമായി പ്രവർത്തിക്കും.2026 ൽ ഡ്രൈവറില്ലാ സേവനങ്ങളുടെ പൂർണ്ണമായ വാണിജ്യ വ്യാപനത്തിന് വഴിയൊരുക്കും.ആർ‌ടി‌എയുടെ ആസൂത്രണ പിന്തുണയും മേൽനോട്ടവും ഉപയോഗിച്ച് ഉബറിന്റെയും വിറൈഡിന്റെയും നേതൃത്വത്തിൽ പൈലറ്റ് ഘട്ടത്തിനുള്ള ഫീൽഡ് തയ്യാറെടുപ്പുകൾ ഇതിനകം നടന്നുവരികയാണ്.
ബോർഡ് ചെയർമാൻ മതർ അൽ തായർ അറിയിച്ചു.ഉബറിന്റെ ചീഫ് ബിസിനസ് ഓഫീസർ മധു കണ്ണൻ, വിറൈഡിലെ മിഡിൽ ഈസ്റ്റ്, ആഫ്രിക്ക റീജിയണൽ ജനറൽ മാനേജർ റയാൻ ഷാൻ എന്നിവർ ധാരണാപത്ര ഒപ്പുവെക്കൽ ചടങ്ങിൽ പങ്കെടുത്തു. ആർ‌ടി‌എയ്‌ക്കായി പൊതുഗതാഗത സി ഇ ഒ ഹാശിം ബഹ്‌റോസിയാനും, ഉബറിനായി മിഡിൽ ഈസ്റ്റിന്റെയും ആഫ്രിക്കയുടെയും റീജിയണൽ ജനറൽ മാനേജർ ഫ്രാൻസ് ഹിംസ്ട്രയും, വിറൈഡിനായി ക്യാപിറ്റൽ മാർക്കറ്റ്‌സ് ആൻഡ് കോർപ്പറേറ്റ് ഡെവലപ്‌മെന്റ് ഡയറക്ടർ എറിക് ഡോങ്ങും കരാറിൽ ഒപ്പുവച്ചു.
ആഗോള പ്ലാറ്റ്‌ഫോം
ഉബർ ടെക്നോളജീസുമായും വിറൈഡുമായും ധാരണാപത്രം ഒപ്പുവച്ചതിൽ മതർ അൽ തായർ സന്തോഷം പ്രകടിപ്പിച്ചു. സ്വയംനിയന്ത്രിത വാഹന പ്രവർത്തനങ്ങൾ വികസിപ്പിക്കുന്നതിനുള്ള ആഗോള കേന്ദ്രമായി ദുബൈയെ തിരഞ്ഞെടുത്തതിന് ഇരു കമ്പനികളെയും പ്രശംസിച്ചു. 2030 ഓടെ എമിറേറ്റിലെ എല്ലാ പൊതു യാത്രകളുടെയും 25% വിവിധ ഗതാഗത രീതികളിലൂടെ സ്വയംനിയന്ത്രിത യാത്രകളാക്കി മാറ്റാൻ ശ്രമിക്കും. ദുബൈയുടെ സ്മാർട്ട് സെൽഫ്-ഡ്രൈവിംഗ് ട്രാൻസ്പോർട്ട് സ്ട്രാറ്റജിയുടെ ലക്ഷ്യങ്ങളെയും ഇത് പിന്തുണയ്ക്കുന്നു. നൂതനവും സുസ്ഥിരവുമായ ഗതാഗത പരിഹാരങ്ങൾ സ്വീകരിക്കുന്നതിലും, അത്യാധുനിക സാങ്കേതികവിദ്യകൾ സ്വീകരിക്കുന്നതിലും, നൂതനമായ സഞ്ചാര സംരംഭങ്ങൾ വളർത്തിയെടുക്കുന്നതിലും ദുബൈയുടെ ആഗോള നേതൃത്വത്തെ ഈ ധാരണാപത്രം ശക്തിപ്പെടുത്തുന്നു.”
