റമസാൻ: 5000ലധികം ഉത്പന്നങ്ങൾക്ക് 60ശതമാനം വരെ കിഴിവ്
ദുബൈIറമസാൻ കണക്കിലെടുത്ത് യൂണിയൻ കോപ്പ് ഉത്പന്നങ്ങൾക്ക് 60% വരെ കിഴിവു നൽകുമെന്ന് അധികൃതർ അറിയിച്ചു. യു എ ഇ പ്രസിഡന്റ് ശൈഖ് മുഹമ്മദ് ബിൻ സായിദ് അൽ നഹ്യാൻ പ്രഖ്യാപിച്ച “കൈകോർത്ത് കൈകോർക്കുക” എന്ന സന്ദേശം ഉൾകൊണ്ടാണിത്. യുഎഇ “സാമൂഹിക വർഷാഘോഷത്തിൻ്റെ ഭാഗമാണ് സംരംഭം. പുണ്യമാസത്തിൽ താങ്ങാനാവുന്ന വിലയിൽ ഉത്പന്നങ്ങൾ നൽകും. 5,000-ത്തിലധികം ഭക്ഷ്യ, ഭക്ഷ്യേതര ഉൽപ്പന്നങ്ങൾക്ക് 60% വരെ കിഴിവ് നൽകുമെന്ന് വർഖ സിറ്റി മാളിലെ യൂണിയൻ കോപ്പ് ആസ്ഥാനത്ത് സി ഇ ഒ മുഹമ്മദ് അൽ ഹാശിമി അറിയിച്ചു. വാണിജ്യ മന്ത്രാലയത്തിലെ അസിസ്റ്റന്റ് അണ്ടർസെക്രട്ടറി സഫിയ ഹാശിം അൽ സാഫി പങ്കെടുത്തു. 12 പ്രമോഷനുകൾ കാമ്പയിനിൽ ഉണ്ടായിരിക്കും. അരി, മാംസം, കോഴി, ടിന്നിലടച്ച ഭക്ഷണങ്ങൾ, ഉയർന്ന ഡിമാൻഡുള്ള മറ്റ് റമദാൻ ഇനങ്ങൾ എന്നിവയുൾപ്പെടെ 200-ലധികം അവശ്യ ഇനങ്ങളുടെ വില വർധന ‘ലോക്ക്’ ചെയ്തു. പുതിയതും ജൈവവുമായ ഉൽപ്പന്നങ്ങൾ വിതരണം ചെയ്യുന്നതിനായി 42-ലധികം യുഎഇ ഫാമുകളുമായി പങ്കാളിത്തമുണ്ടാക്കി
