ദുബൈ ദ്വീപുകളിലേക്ക് ബർദുബൈയിൽ നിന്ന് പാലം;78.6 കോടി ദിർഹം കരാർ
ദുബൈ|ദുബൈ ദ്വീപുകളെ ബർ ദുബൈയുമായി ബന്ധിപ്പിക്കുന്ന പാലങ്ങളുടെ നിർമ്മാണത്തിനു ആർടിഎ കരാർ നൽകി.
ദുബൈ ഹോൾഡിംഗിനാണ് 78.6 കോടി ദിർഹത്തിന്റെ കരാർ.ഇരു ദിശകളിലേക്കും മണിക്കൂറിൽ 16,000 വാഹനങ്ങൾ കടന്നു പോകാൻ രൂപകൽപ്പന ചെയ്തിരിക്കുന്നു.ഓരോ ദിശയിലും നാല് വരികളുള്ള 1,425 മീറ്റർ പാലമാണ് നിർമിക്കുന്നത്.പാലത്തിലൂടെ പ്രത്യേക സൈക്ലിംഗ്, കാൽനട പാത ഉണ്ടാകുമെന്ന് ആർ ടി എ ചെയർമാൻ മതർ അൽ തായർ അറിയിച്ചു.
ശിന്ദഗ ഇടനാഴി വികസന പദ്ധതിയുടെ ഒരു പ്രധാന ഘട്ടമാണിത്. റോഡ് ശൃംഖലയുടെയും മൊബിലിറ്റി സിസ്റ്റത്തിന്റെയും അടിസ്ഥാന സൗകര്യങ്ങൾ വികസിപ്പിക്കുന്നതിനുള്ള ഞങ്ങളുടെ നേതൃത്വത്തിന്റെ നിർദ്ദേശങ്ങൾക്കനുസൃതമായി, ആർടിഎ ദുബൈ ഹോൾഡിംഗും തമ്മിൽ കരാറിലെത്തി. നിലവിലുള്ള വികസനത്തെ പിന്തുണയ്ക്കുക, നഗര ജനസംഖ്യാ വളർച്ചയുടെ ആവശ്യങ്ങൾ പരിഹരിക്കുക, ഗതാഗത ഒഴുക്ക് മെച്ചപ്പെടുത്തുക, എമിറേറ്റിലുടനീളമുള്ള താമസക്കാരുടെയും സന്ദർശകരുടെയും യാത്ര സുഗമമാക്കുക എന്നിവയാണ് ഈ പദ്ധതിയുടെ ലക്ഷ്യം.
