കർണാടകയിൽ മൊബൈൽ ഫോൺ കണക്ടിവിറ്റി ഇല്ലാത്ത ഗ്രാമങ്ങൾ 470 .കേരളത്തിൽ എല്ലാ ഗ്രാമങ്ങളിലും കണക്ടിവിറ്റി
മംഗളൂരു l കർണാടകയിൽ മൊബൈൽ ഫോൺ കണക്ടിവിറ്റി ഇല്ലാത്ത ഗ്രാമങ്ങൾ 470 . അതേ സമയം കേരളത്തിൽ എല്ലാ ഗ്രാമങ്ങളിലും കണക്ടിവിറ്റി ലഭ്യം . ലോക്സഭയിൽ ടെലികമ്മ്യൂണിക്കേഷൻ മന്ത്രി നൽകിയ വിവരമാണിത് .ഇന്ത്യയിൽ നിരവധി ഗ്രാമങ്ങളിൽ ഇപ്പോഴും മൊബൈൽ കണക്റ്റിവിറ്റി ഇല്ല.
സാങ്കേതിക വിദ്യ സ്വീകരിക്കുന്നതിൽ കർണാടക മുൻപന്തിയിലാണെങ്കിലും, പല ഗ്രാമങ്ങളിലും ഇതുവരെ മൊബൈൽ നെറ്റ്വർക്ക് കവറേജ് ലഭിച്ചിട്ടില്ല. കർണാടക സംസ്ഥാനത്തെ രാജ്യത്തെ ‘ടെലികോം ബ്ലാക്ക് സ്പോട്ട്’ മേഖലകളിൽ ഉൾപ്പെടുത്തി . 2026 ജനുവരി 31 ലെ കണക്കനുസരിച്ച്, മൊബൈൽ നെറ്റ്വർക്ക് കണക്റ്റിവിറ്റി ഇല്ലാത്ത ഗ്രാമങ്ങൾ ഇന്ത്യയിൽ 8,985. ദക്ഷിണേന്ത്യൻ സംസ്ഥാനങ്ങളിൽ, അത്തരം ഗ്രാമങ്ങൾ ഏറ്റവും കൂടുതൽ കർണാടകയിൽ . 189 ഗ്രാമങ്ങളുള്ള ഉത്തര കന്നഡ ജില്ലയാണ് സംസ്ഥാനത്ത് പട്ടികയിൽ ഒന്നാമത്. തൊട്ടുപിന്നാലെ ശിവമൊഗ്ഗ (75), ചിക്കമഗളൂരു (40), ചാമരാജനഗർ (25), ബെലഗാവി (19), കലബുറഗി (18).മൊബൈൽ നെറ്റ്വർക്ക് കണക്റ്റിവിറ്റി ഇല്ലാത്ത ഗ്രാമങ്ങൾ ഏറ്റവും കൂടുതലുള്ള സംസ്ഥാനങ്ങൾ ഒഡീഷ (1,237), അരുണാചൽ പ്രദേശ് (1,185), മധ്യപ്രദേശ് (960), മഹാരാഷ്ട്ര (872) എന്നിവയാണ്.ആന്ധ്രയിൽ മൊബൈൽ നെറ്റ്വർക്ക് കവറേജ് ഇല്ലാത്ത 394 ഗ്രാമങ്ങളുണ്ട് . തെലങ്കാനയിൽ 228 ഗ്രാമങ്ങൾ . തമിഴ്നാട്ടിൽ മൂന്ന് ഗ്രാമങ്ങൾ. അതേസമയം കേരളത്തിലെ എല്ലാ ഗ്രാമങ്ങളിലും മൊബൈൽ നെറ്റ്വർക്ക് കണക്റ്റിവിറ്റി ഉണ്ട്. ദുഷ്കര ഭൂമിശാസ്ത്ര സാഹചര്യങ്ങൾ, പരിമിതമായ വാണിജ്യ സാധ്യത എന്നിവയാണ് ഈ പ്രദേശങ്ങളിൽ മൊബൈൽ നെറ്റ്വർക്ക് കണക്റ്റിവിറ്റിയുടെ അഭാവം പ്രധാനമായും കാരണമായി പറയപ്പെടുന്നത് . അതേസമയം, ഗ്രാമങ്ങളിൽ ബ്രോഡ്ബാൻഡ് കണക്റ്റിവിറ്റി നൽകുന്നതിനായി ഭാരത്നെറ്റ് പദ്ധതി നടപ്പിലാക്കുന്നുണ്ടെന്ന് കേന്ദ്ര സർക്കാർ വ്യക്തമാക്കി. 4ജി സേവനങ്ങൾ വികസിപ്പിക്കുന്നതിനായി രാജ്യത്തുടനീളം 23,994 മൊബൈൽ ടവറുകൾ ഇതിനകം സ്ഥാപിച്ചിട്ടുണ്ടെന്നും അറിയിച്ചു.കെ എം എ ന്യൂസ്
