ദുബൈ കെയേഴ്സിന് 10 ലക്ഷം ദിർഹം ലുലു സംഭാവന
ദുബൈ|റമസാനിൽ ജീവകാരുണ്യ പ്രവർത്തനം നടത്താൻ ദുബൈ കെയേഴ്സിന് ലുലു ഗ്രൂപ്പ് സംഭാവന നൽകിയത് 10ലക്ഷം ദിർഹം. ദുബൈ കെയേഴ്സുമായുള്ള പങ്കാളിത്തം വ്യാപിപ്പിച്ചുകൊണ്ട് ആഗോള മാനുഷിക സംരംഭങ്ങളോടുള്ള പ്രതിബദ്ധത വീണ്ടും ഉറപ്പിക്കുകയാണെന്ന് ലുലു ഗ്രൂപ്പ് അറിയിച്ചു. ദുബൈ കെയേഴ്സിന്റെ ഓഫീസിൽ നടന്ന ചടങ്ങിൽ, ലുലു ഗ്രൂപ്പ് ചെയർമാനായ എം എ യൂസുഫലി ദുബൈ കെയേഴ്സിന്റെ ചീഫ് എക്സിക്യൂട്ടീവ് ഓഫീസറും വൈസ് ചെയർമാനുമായ ഡോ. താരിഖ് അൽ ഗുർഗിന് തുക കൈമാറി. വിദ്യാഭ്യാസത്തിലൂടെ ലോകമെമ്പാടും പിന്നോക്കാവസ്ഥയിലുള്ള കുട്ടികളെയും യുവാക്കളെയും ശാക്തീകരിക്കാനുള്ള പദ്ധതിയാണ് ദുബൈ കെയേഴ്സ് നടത്തുന്നത്. സംഘടനയുടെ ശ്രമങ്ങളെ പിന്തുണച്ചുകൊണ്ട്. 2017-ൽ യു എ ഇ വൈസ് പ്രസിസൻ്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് അൽ മക്തൂം ആരംഭിച്ചതാണ് ദുബൈ കെയേഴ്സ്. , സാമൂഹിക ഉത്തരവാദിത്തമുള്ള ദുബൈ കെയേഴ്സിനെ പിന്തുണയ്ക്കുന്നതിൽ അഭിമാനമുണ്ടെന്ന് ലുലു ഗ്രൂപ്പ് ചെയർമാൻ എം എ യൂസുഫലി പറഞ്ഞു.”എമിറേറ്റ്സിൽ ആഴത്തിൽ വേരുകളുള്ള ഒരു സ്ഥാപനം എന്ന നിലയിൽ, യുഎഇ നേതൃത്വത്തിന്റെ മഹത്തായ മാനുഷിക സംരംഭങ്ങളിൽ ഭാഗമാകാൻ ലുലു ഗ്രൂപ്പിലെ ഞങ്ങൾ എപ്പോഴും പ്രതിജ്ഞാബദ്ധരാണ്.ദുബൈ കെയേഴ്സ് അതിന് പ്രധാന ഉദാഹരണമാണ്. ദുബൈ കെയേഴ്സുമായുള്ള ഞങ്ങളുടെ പങ്കാളിത്തം ഞങ്ങൾക്ക് വളരെ പ്രധാനപ്പെട്ടതാണ്.കൂടാതെ ലോകമെമ്പാടുമുള്ള ദശലക്ഷക്കണക്കിന് ആളുകളുടെ ജീവിതത്തെ മുന്നോട്ടു നയിക്കുന്നു” യൂസുഫലി പറഞ്ഞു. ലുലു ഗ്രൂപ്പിന്റെ തുടർച്ചയായ പിന്തുണയ്ക്ക് നന്ദിയുണ്ടെന്ന് ഡോ. താരിഖ് അൽ ഗുർഗ് പറഞ്ഞു. “ഇന്ന്, ലോകമെമ്പാടുമുള്ള ദശലക്ഷക്കണക്കിന് കുട്ടികളും യുവാക്കളും ദാരിദ്ര്യം, സംഘർഷം, വിഭവങ്ങളുടെ അഭാവം എന്നിവയുൾപ്പെടെ പ്രശ്നങ്ങൾ അഭിമുഖീകരിക്കുന്നു. ഗുണനിലവാരമുള്ള വിദ്യാഭ്യാസം നേടുന്നതിൽ കാര്യമായ തടസ്സങ്ങൾ നേരിടുന്നു. ഈ വെല്ലുവിളികൾ തരണം ചെയ്യേണ്ടതുണ്ട്.”ഡോ.താരിഖ് പറഞ്ഞു
Send an email
