തിരുവനന്തപുരംlബഹ്‌റൈനിൽ മികവിനുള്ള പരമോന്നത പുരസ്കാരം നേടിയ ആർ പി ഗ്രൂപ്പ് ചെയർമാനും ജീവകാരുണ്യപ്രവർത്തകനുമായ ഡോ. രവി പിള്ളയ്ക്ക് തിരുവനന്തപുരത്ത് ബുധനാഴ്ച കേരളത്തിൻറെ ആദരം.രവിപ്രഭ എന്ന പേരിൽ നോർക്കയുടെ ആഭിമുഖ്യത്തിലാണ് സ്വീകരണം.ബുധൻ വൈകിട്ട് നാലിന് തിരുവനന്തപുരം ടാഗോർ ഹാളിലാണ് പരിപാടി.മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. ഗോവ ഗവർണർ പി.എസ്. ശ്രീധരൻ പിള്ള, പ്രതിപക്ഷ നേതാവ് വി.ഡി.സതീശൻ, മോഹൻലാൽ എന്നിവർ വിശിഷ്ടാതിഥികളായിരിക്കും. മന്ത്രിമാർ, രാഷ്ട്രീയ, സാമൂഹിക, സാംസ്‌കാരിക രംഗങ്ങളിലെ പ്രമുഖരും ചടങ്ങിൽ പങ്കെടുക്കും.
രവിപ്രഭയുടെ ഭാഗമായി പ്രശസ്ത ഗായിക സിത്താര കൃഷ്ണകുമാർ നയിക്കുന്ന മ്യൂസിക് ബാൻഡിന്റെ സംഗീതം, ഓടക്കുഴൽ വാദകൻ രാജേഷ് ചേർത്തലയുടെ സംഗീതവിരുന്ന്, ‘ഡോ.ബി. രവിപിള്ളയുടെ ജീവിതയാത്ര’ എന്ന പുസ്തകത്തിന്റെ പ്രകാശനം എന്നിവ ഉണ്ടാകും.
ബഹ്‌റൈന്റെ ദേശീയ ബഹുമതിയായ മെഡൽ ഓഫ് എഫിഷ്യൻസിയാണ് രവി പിള്ളക്ക് ലഭിച്ചത്.. രാജ്യത്തിന്റെ പുരോഗതിക്കും വികസനത്തിനും നൽകിയ സമഗ്ര സംഭാവനകൾ കണക്കിലെടുത്താണിത്. ഈ പദവി ലഭിക്കുന്ന ഏക വിദേശ പൗരനാണ് അദ്ദേഹം. ഡിസംബർ 16 ന് ബഹ്‌റൈൻ രാജാവ് ഹമദ് ബിൻ ഈസ അൽ ഖലീഫയാണ് ആർപി ദേശീയ ബഹുമതി സമ്മാനിച്ചത്. “ഡോ. പിള്ള രാജ്യത്തിന് നൽകിയ സംഭാവനകളോടുള്ള, പ്രത്യേകിച്ച് എണ്ണ-വാതക സംസ്കരണ മേഖലയിലും പ്രാദേശിക സമൂഹ വികസനത്തിലും ബഹ്‌റൈന്റെ ആഗോള സ്ഥാനം ശക്തിപ്പെടുത്തലിലും അദ്ദേഹത്തിന്റെ ആഴമേറിയ പങ്കാളിത്തത്തെ ഈ ആദരണീയമായ പുരസ്കാരം പ്രതിഫലിപ്പിക്കുന്നു,” റോയൽ ഓർഡർ പറഞ്ഞു. “ഡോ. രവി പിള്ളയുടെ അസാധാരണ സേവനത്തിനും രാജ്യത്തിനായുള്ള സംഭാവനകൾക്കും ഞങ്ങൾ നന്ദിയുള്ളവരാണ്, കൂടാതെ ഞങ്ങളുടെ അഗാധമായ നന്ദിയുടെ അടയാളമായി ഈ വിശിഷ്ട പുരസ്കാരം അദ്ദേഹത്തിന് സമ്മാനിക്കുന്നതിൽ ഞങ്ങൾക്ക് ബഹുമതിയുണ്ട്,” ഭരണാധികാരി രാജകീയ പ്രഖ്യാപനത്തിൽ പറഞ്ഞു. 1200 കോടി യുഎസ് ഡോളർ വിറ്റുവരവുള്ളതാണ് അദ്ദേഹത്തിന്റെ ബിസിനസ്സ് സാമ്രാജ്യം. ഇന്ത്യയ്ക്ക് പുറത്തു ഇന്ത്യക്കാരുടെ ഏറ്റവും വലിയ തൊഴിൽദാതാവാണ്. 1,26,000 ജീവനക്കാരാണ് അദ്ദേഹത്തിൻ്റെ കൂടെയുള്ളത്. ഇന്ത്യയിലേക്ക് ഏറ്റവും കൂടുതൽ വിദേശ കറൻസി അയയ്ക്കുന്ന കമ്പനികളിൽ ഒന്ന്. ഇന്ത്യയിലെ ഏറ്റവും വലിയ നിക്ഷേപകരിൽ ഒരാളാണ് രവി പിള്ള. ആറ് പഞ്ചനക്ഷത്ര ഹോട്ടലുകൾ, രണ്ട് ആശുപത്രികൾ, മൂന്ന് ഷോപ്പിംഗ് മാളുകൾ എന്നിവ അദ്ദേഹത്തിനുണ്ട്. അടുത്ത രണ്ട് വർഷത്തിനുള്ളിൽ ഇന്ത്യയിൽ 200 കോടി യുഎസ് ഡോളർ നിക്ഷേപിക്കാൻ പദ്ധതിയിടുന്നു.
Send an email
