ഗസ്സയിൽ നിന്ന് ഒഴിപ്പിക്കൽ അനുവദിക്കില്ല -ജി സി സി
ദുബൈ |ഗസ്സ മുനമ്പിൽ നിന്ന് ഫലസ്തീനികളെ നിർബന്ധിതമായി കുടിയിറക്കുന്നതിനെ എന്ത് വില കൊടുത്തും എതിർക്കുമെന്ന് ഗൾഫ് സഹകരണ കൗൺസിൽ (ജിസിസി) സെക്രട്ടറി ജനറൽ ജാസിം അൽബുദൈവി പറഞ്ഞു.ദുബൈയിൽ ഭരണകൂട ഉച്ചകോടിയിൽ സംസാരിക്കുകയായിരുന്നു അദ്ദേഹം . ട്രംപിന്റെ ആശയം അറബ് ലോകം അംഗീകരിക്കില്ല .
ഗസ്സ പുനർനിർമ്മിക്കുന്നതിനായി ഫലസ്തീനികളെ അവിടെ നിന്ന് മാറ്റിപ്പാർപ്പിക്കേണ്ടതില്ല .
“നിർബന്ധിതമായി കുടിയിറക്കുക എന്ന ആശയം അംഗീകരിക്കുന്ന ആരും അറബ് സമൂഹത്തിലില്ല.അന്താരാഷ്ട്ര പ്രമേയങ്ങൾ ഫലസ്തീൻ ജനതയുടെ സ്വയം നിർണ്ണയാവകാശത്തിനും അതിർത്തികൾക്കും അഭയാർത്ഥികളുടെ തിരിച്ചുവരവിനുമുള്ള അവകാശം സ്ഥിരീകരിക്കുന്നു. സുരക്ഷാ കൗൺസിൽ അംഗീകരിച്ച പ്രമേയങ്ങളാണിവ” അദ്ദേഹം ചൂണ്ടിക്കാട്ടി.
“പ്രസിഡന്റ് ട്രംപുമായുള്ള ഞങ്ങളുടെ ബന്ധത്തെ ഞങ്ങൾ വിലമതിക്കുന്നു . സുരക്ഷയ്ക്കും സ്ഥിരതയ്ക്കും യുണൈറ്റഡ് സ്റ്റേറ്റ്സിന്റെ പ്രാധാന്യം അംഗീകരിക്കുകയും ചെയ്യുന്നു . എന്നിരുന്നാലും,ഇക്കാര്യത്തിൽ വിയോജിപ്പുണ്ട് ” അറബിയിൽ പറഞ്ഞാൽ, സംസാരം കൊടുക്കൽ വാങ്ങലാണ്. ട്രംപിന് അദ്ദേഹത്തിന്റെ കാഴ്ചപ്പാടുകളുണ്ട്, അറബ് ലോകത്തിന് അതിന്റേതായ കാഴ്ചപ്പാടുകളുണ്ട്.” അറബ് ലോകത്തിന് അംഗീകരിക്കാൻ കഴിയാത്ത ഏതൊരു കരാറും വിജയിക്കില്ല. പ്രതികരണങ്ങൾ വ്യക്തമാണ്.”
ഉച്ചകോടിക്കിടെ മറ്റൊരു നിർണായക ചോദ്യം ഉയർന്നുവന്നു. ഇസ്രാഈലിനും ഗസ്സയ്ക്കും ഇടയിൽ അമേരിക്ക യഥാർത്ഥത്തിൽ ഒരു മധ്യസ്ഥനായി പ്രവർത്തിക്കുന്നുണ്ടോ, അതോ അത് പക്ഷപാതം കാണിക്കുന്നുണ്ടോ? അറബ് ലീഗിന്റെ സെക്രട്ടറി ജനറൽ അഹമ്മദ് അബൂൾ ഗൈത്തിനോട് അവതാരകൻ ചോദിച്ചു , “അമേരിക്കയുടെ കാഴ്ചപ്പാട് അവ്യക്തമാണ്. മധ്യസ്ഥതയാണ് പരിഹാരം എന്ന് അമേരിക്ക വിശ്വസിക്കുന്നു. അമേരിക്ക ഇപ്പോഴും മികച്ച പരിഹാരം നൽകാൻ ശ്രമിക്കുന്ന ഒരു മോഡറേറ്ററാണ്” എന്ന് അദ്ദേഹം പ്രതീക്ഷ പ്രകടിപ്പിച്ചു
