ഉറ്റവർക്ക് സന്ദർശക വിസ

ഉറ്റവർക്കു സന്ദർശക വിസ :സ്മാർട് സേവനങ്ങൾ ഉപയോഗപ്പെടുത്തണം
ദുബൈ |ഉറ്റവർക്കു സന്ദർശക വിസ വേണമെങ്കിൽ വെബ്‌സൈറ്റിലൂടെയോ സ്മാർട്ട് ആപ്ലിക്കേഷനിലൂടെയോ ലഭ്യമാണെന്ന് ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്പ്, കസ്റ്റംസ്, പോർട്ട് സെക്യൂരിറ്റി വ്യക്‌തമാക്കി . സ്മാർട് സേവനം വാഗ്ദാനം ചെയ്യുന്ന ആനുകൂല്യങ്ങൾ പ്രയോജനപ്പെടുത്തണം .പൗരന്മാർക്കും താമസക്കാർക്കും അതോറിറ്റിയുടെ സ്മാർട് സേവനങ്ങളാണ് അഭികാമ്യം .
സുഹൃദ് അല്ലെങ്കിൽ ബന്ധു വിസയ്ക്ക് വഴക്കമുള്ള സാധ്യതകളുണ്ട്. ഒന്നിലധികം യാത്രകൾ സാധ്യമാണ് . 30 മുതൽ 90 ദിവസം വരെയുള്ള താമസ കാലയളവുകൾ അനുവദിക്കുന്നു. വിസ 60 ദിവസം വരെ പ്രവേശനത്തിന് സാധുതയുള്ളതായി തുടരും. കൂടാതെ താമസ സമയത്ത് ദീർഘിപ്പിക്കാൻ അപേക്ഷിക്കാം. ഡിജിറ്റൽ ഐഡന്റിറ്റി ഉപയോഗിച്ച് അതോറിറ്റിയുടെ വെബ്‌സൈറ്റിലോ മൊബൈൽ ആപ്ലിക്കേഷനിലോ ലോഗിൻ ചെയ്‌ത്, ആവശ്യമുള്ള വിസ തരവും കാലാവധിയും തിരഞ്ഞെടുത്ത്, വിശദാംശങ്ങൾ നൽകുക . കൃത്യത പരിശോധിച്ചതിന് ശേഷം അപേക്ഷ സമർപ്പിക്കുക . സേവനം എളുപ്പത്തിൽ നേടാൻ കഴിയും.
വിസയ്ക്ക് യോഗ്യത നേടുന്നതിന്, അപേക്ഷകർക്ക് ആറ് മാസത്തിൽ കൂടുതലുള്ള സാധുവായ പാസ്‌പോർട്ട്,മടക്ക യാത്രാ ടിക്കറ്റ്, സാധുവായ ആരോഗ്യ ഇൻഷുറൻസ് എന്നിവ ഉണ്ടായിരിക്കണം.കൂടാതെ വിസ ഉടമ ഒരു യു എ ഇ പൗരന്റെയോ ഫസ്റ്റ് അല്ലെങ്കിൽ സെക്കൻഡ് ഡിഗ്രിയിലെ വിദേശ താമസക്കാരന്റെയോ സുഹൃത്തോ ബന്ധുവോ ആയിരിക്കണം. കൂടാതെ, താമസക്കാരൻ അതോറിറ്റി തരംതിരിക്കുന്ന ഒന്നാം ലെവൽ അല്ലെങ്കിൽ രണ്ടാം ലെവൽ ജോലി വഹിക്കണം.
കുടുംബങ്ങളുടെയും സുഹൃത്തുക്കളുടെയും പുനരേകീകരണം സുഗമമാക്കുന്നതിനും സമൂഹത്തിലെ ജീവിത നിലവാരം ഉയർത്തുന്നതിനുമാണ് വിസ സേവനം രൂപകൽപ്പന ചെയ്തിരിക്കുന്നതെന്നു അതോറിറ്റി ഡയറക്ടർ ജനറൽ മേജർ ജനറൽ സുഹൈൽ സയീദ് അൽ ഖൈലി പറഞ്ഞു.വ്യക്തികൾക്ക് സുഹൃത്തുക്കളെയും ബന്ധുക്കളെയും യുഎഇ സന്ദർശിക്കാനും രാജ്യത്ത് താമസിക്കുന്നതിന്റെയും നിക്ഷേപിക്കുന്നതിന്റെയും ഗുണങ്ങൾ ആസ്വദിക്കാനും ഈ സംരംഭം അനുവദിക്കുന്നു.രാജ്യം വിട്ടുപോകാതിരിക്കുകയോ കാലാവധി കഴിയുന്നതുവരെ താമസിക്കുകയോ പോലുള്ള ലംഘനങ്ങൾക്ക് ഭരണപരമായ ശിക്ഷകൾ ബാധകമാകുമെന്ന് മുന്നറിയിപ്പ് നൽകി.